Willie had nog een gedicht geschreven voor alle jubilarissen van de afgelopen jaarvergadering. Deze wil ik bij deze publiceren op de site, namens hem.
Beste jubilarissen.
Vandage is het dan zo’n dag,
dat ik wat teggen jullie zeggen mag.
Jullie kearls, zo denk, ik met vulle pit,
bunt zovulle jaoren van onze vereniging lid.
Ok jullie vrouwleu, jao, dat mucht jullie wal wetten,
wil ik in mien versje natuurluk neet vergetten.
Ok jullie, wil ik hier ok beneumen, ai dat maor wet,
maor helaas veur jullie, bunt earste de kearls an zet.
Ok, al leave wie no in het heden,
jullie hebt allemaole een scheidsrechters verleden.
De ene floot hoog, de ander stond laeger op de grond,
fluiten heb jullie allemaole daone, beweagen is no eenmaol gezond.
De baas speuln, met de fluite in de mond,
at ze neet luursteren woln, zwaaide jullie met kaarten in het rond.
Ok al schreeuwt wie kearls, dat het leefste neet, is neet altied gegrond.
Zonder de steun van het thuusfront, kriege wie onze hobby neet rond.
Vake staot ze het leefste, het hele weekend op het veld,
umdat zoals ze meent, hun hobby alleene maor telt.
Denk dat bie jullie thuus de deurn, zonder wind ok wal eens dichte bunt gegaon.
Umdat pa wear zo neudig op het veld mos staon.
Dat de vrouwe dan altied neet vrendeluk kiekt, och ok dat heurn er bie,
dat vader wear weg mos, maken de kinderen ok vake neet blie.
In huus, ach en dat wil jullie neet graag heuren,
zei iemand anders, ho het mos gebeuren.
Jao dat was ok jullie zo denk ik, vasteal op voln,
daor hadden de meesten van jullie, zich an andere wetten te holn.
Jao kearls, dan is moders wil vake wet,
en o wee. at ie oew daor tegggen verzet.
Dus dank oew vrouwe hier veur, met mooi cadeau,
of ne bos blomen, zelf kopen, dat vund ze vast zo.
Een paar van jullie, loopt nog steeds op het veld,
maor de anderen, dee bunt daor oetgeteld.
Wal vertellen ho ze het vroger hebt gedaon, alles was natuurlijk top,
Aover blunders dee ze maken heur ze neet mear, dan hold ze de kop.
Ik sprek jullie no to as groep, of ie no Jan, Zeeg, Hans, Vincent, Aloys of Joep heet.
De meesten hebt in het verleden naost het fluiten, van alles gedaon,
dree waren de veurzitter van een voetbalclub, zo heb ik hier staon.
Heel wat zaken komt de dan op oe af leu,
en soms wordt ie van dat gedram heel meu.
Jao veurzitter speuln is soms heel zwaor,
kunt neet alles delegeren, dat is waor.
Ik hop dat jullie in alles wat heb gedaon, plezear hebt gehad,
natuurluk was ie dat geneul, ok wal eens zat.
Van speulers dee alles better wisten,
en grensrechters, dee zich nooit eens vergisten.
Jubilarissen, allemaole gefeliciteard tot besloet,
en no is mijn oaverzicht aover jullie, oet.
Blief gezond en ik hop dat jullie mucht beleaven,
Vulle geluk samen, in het wietere leaven.